رباعيات

من رباعيات صلاح جاهين: 

 

مرغم عليك يا صبح مغصوب يا ليل
لا دخلتها برجليا ولا كان لى ميل
شايلنى شيل دخلت أنا الحياة
وبكره ح أخرج منها شايلنى شيل

..............وعجبي........... 

عجبى عليك .. عجبى عليك يا زمن
يا بو البدع يا مبكى عين دماً
إزاى أنا أختار لروحى طريق
وأنا اللى داخل فى الحياة مرغماً

..............وعجبي...........

مع إن كل الخلق من أصل طين
وكلهم بينزلوا مغمضين
بعد الدقايق والشهور والسنين
تلاقى ناس أشرار وناس طيبين

..............وعجبي...........

اعرف عيون هى الجمال والحسن
واعرف عيون تاخد قلوب بالحضن
وعيون مخيفة وقاسية وعيون كتير
وباحس فيهم كلهم بالحزن
..............وعجبي...........

احسن مافيها العشق والمعشقة
وشويتين الضحك والتريقة
شفت الحياة لفيت لقيت الالذ
تغيرها ودة يعنى التعب والشقا
...............وعجبي..........

اوصيك ياابنى بالقمر والزهور
اوصيك باليل القاهرة المسحور
وان جيت فى بالك.... اشترى عقد فل
لاى سمرا...وقبرى اوعك تزور
.........وعجبي..........

اوقات افوق ويحل عني غبايا
واشعر كانى فهمت كل الخبايا
وافتح شفايفى علشان اقول الدرر
مااقولش غير حبة غزل فى الصبايا
..........وعجبي  ......

حبيت... لكن حب من غير حنان
وصاحبت لكن صحبة ملهاش امان
رحت لحكيم واكتر لقيت بلوتى
ان الى جوة القلب مش ع اللسان
.......وعجبي ........

دخل الربيع يضحك لقانى حزين
ندة الربيع على اسمى لم قلت مين
حط الربيع ازهارة جنبي وراح
وايش تعمل الازهار للميتين
..........وعجبي .......

ليه يا حبيبتي ما بيننا دايما سفر
ده البعد ذنب كبير لا يغتفر
ليه يا حبيبتي ما بيننا دايما بحور
أعدي بحر ألاقي غيره اتحفر
.........عجبي ........

ما حد في الدنيا واخد جزاتــــــــــــــــــه
و لا حــــــــــــــــد بيفكر في غير لذاذاته
ما تعرفيش يا حبيبتي .. أنا و انتي مين؟
إنتي عروس النيل ... و أنا النيل بذاته
........عجبي .........

نسمة ربيع لكن بتكوي الوشـــــــوش
طيور جميلة بس من غير عشـــوش
قلوب بتخفق إنما وحـــــــــــــــــدها
هي الحياه كده .. كلها في الفاشوش
......عجبي ...........

من رباعيات الخيام: 

 سمعت صوتا هاتفا في السحر
نادى من الحان : غفاة البشر
هبوا املئوا كأس الطلى قبل أن
تفعم كأس العمر كف القدر

***

أحس في نفسي دبيب الفناء
ولم أصب في العيش إلا الشقاء
يا حسرتا إن حان حيني ولم
يتح لفكري حل لغز القضاء
***
أفق وهات الكأس أنعم بها
واكشف خفايا النفس من حجبها
وروّ أوصالي بها قبلما
يصاغ دنّ الخمر من تربها
 ***
تروح أيامي ولا تغتدي
كما تهب الريح في الفدفد
وما طويت النفس هما على
يومين أمس المنقضي والغد
 ***
غد بظهر الغيب واليوم لي
وكم يخيب الظن في المقبل
ولست بالغافل حتى أرى
جمال دنياي ولا أجتلي
***
سمعت في حلمي صوتا أهاب
ما فتق النوم كمام الشباب
أفق فإن النوم صنو الردى
واشرب فمثواك فراش التراب
***
قد مزق البدر سنار الظلام
فاغنم صفا الوقت وهات المدام
واطرب فإن البدر من بعدنا
يسري علينا في طباق الرغام
***
سأنتحي الموت حثيث الورود
وينمحي اسمي من سجل الوجود
هات اسقنيها يا منى خاطري
فغاية الأيام طول الهجود
*** 

هات اسقنيها أيهذا النديم
أخضب من الوجه اصفرار الهموم
و إن مت فاجعل غسولي الطلى
وقد نعشي من فروع الكروم
***
إن تقتلع من أصلها سرحتي
وتصبح الأغصان قد جفت
فصغ وعاء الخمر من طينتي
واملأه تسر الروح في جثتي
***